ONE RADIO TRIVIA
JUAN TO KNOW?

_____________________*****-----*****-----*****-----*****______________________

1. NASAYOD BA MO UNSA ANG KAHIMTANG SA SERBISYONG PATUBIG SA ATONG NASUD?

JUAN TO KNOW?

• SUMALA SA 2005 WORLD BANK STUDY, MUKABAT SA 5000 KA WATER SERVICE PROVIDERS ANG NAA SA NASUD. GIDUMALAAN KINI SA MGA DAGKONG PRIVATE OPERATORS, LGU-SPONSORED WATER DISTRICTS, UG COMMUNITY-BASED ORGANIZATION SAMA SA MGA KOOPERATIBA, BARANGAY WATER AND SANITATION ASSOCIATIONS UG RURAL WATER SUPPLY ASSOCIATION. SUBAY SA TAHO SA DEPT. OF INTERIOR AND LOCAL GOVERNMENT, 16 MILLION KA PILIPINO NGA NAGPUYO SA 432 KA MUNISIPYO NGA WALAY TUBIG ANG WALAY ACCESS SA LIMPYONG TUBIG NGA MAINOM.

• DUGANG PA SA DILG SA 444 OPERATIONAL WATER DISTRICTS SA NASUD, 53 LANG ANG NAGAHATAG OG SERBISYO NGA MULABAW SA 50% SA ILANG WATER SERVICE COVERAGE. MATUD USAB SA WORLD HEALTH ORGANIZATION UG UNITED NATIONS CHILDREN’S FUND KUN UNICEF, MUKABAT SA 22 MILLIONG PILIPINO NIADTONG 2008 ANG WALAY ACCESS SA IMPROVED SANITATION FACILITIES.

         NOW, EVERY JUAN KNOWS!!!
______________________________________________________________________

2. NASAYOD BA MO ASA NAGSUMIKAD ANG PAGKATUKOD SA MGA LOCAL WATER DISTRICTS?

JUAN TO KNOW?

• NIGAWAS ANG KONSEPTO SA WATER DISTRICT GUMIKAN PAGPALYA UG PAGKABUNGKAG SA NATIONAL WATERWORKS AND SEWERAGE AUTHORITY KUN NAWASA. SA PAGTUON NGA GIHIMO SA GUBYERNO KUNG UNSA ANG PINAKAHAUM NGA NASUDNONG POLISIYA NGA MAKAHATAG OG LUWAS, MAINOM UG ABUNDA NGA TUBIG SA MGA PILIPINO SA MGA PROBINSYA, MIRESULTA KINI SA PAGPATUMAN SA PRESIDENTIAL DECREE NO. 198 O ANG PROVINCIAL WATER UTILITIES ACT OF 1973.

• GIDEKLARA SA MAONG NATIONAL POLICY NGA IHATAG DIHA SA MGA TAGA-LOKAL ANG OPERATION UG CONTROL SA MGA WATER SYSTEMS PINAAGI SA PAGTUKOD OG LOCAL WATER DISTRICTS.

         NOW, EVERY JUAN KNOWS!!!
_____________________________________________________________________

3. NASAYOD BA MO NGA BISAN ABUNDA ANG PILIPINAS SA SURFACE UG GROUND WATER WALA GIHAPON KINI NAKASUPPLY SA PANGINAHANGLAN SA KATAWHAN?

JUAN TO KNOW?

• TUNGOD SA PAGPASAGAD SA MGA POLISIYA ALANG SA KINAIYAHAN, 58% NA SA GROUNDWATER SA NASUD ANG KONTAMINADO. NAG-UNANG HINUNGDAN SA POLUSYON MAO ANG DOMESTIC UG INDUSTRIAL WASTEWATER. 1/3 NA LANG SA MGA SUBA ANG MAGAMIT ALANG SA SUPPLY SA TUBIG. GIBANA-BANA NGA SA TUIG 2025, MUKUNHOD PA UG PAG-AYO ANG SUPPLY SA TUBIG SA MGAMAYOR NGA SYUDAD UG SA 8 OUT OF 19 KA MGA RIVER BASINS.

• ANG POLUSYON SA TUBIG DILI LANG MAKAAPEKTO SA PANGLAWAS SA TAO KUNDILI APIL NA SA PANGINABUHIAN SA MGA MANGINGISDA UG SA INDUSTRYA SA TURISMO.

         NOW, EVERY JUAN KNOWS!!!
______________________________________________________________________

4. NASAYOD BA MO PILA ANG KANTIDAD SA TUBIG GIKAN SA PRIBADONG SUPPLIER KUMPARA SA LOKAL NGA WATER DISTRICTS?

JUAN TO KNOW?

• SA METRO MANILA DIIN ANG PRIBADONG KOMPANYA NGA MAYNILAD ANG NAGSUPPLY OG TUBIG, MUKABAT SA P298.70 ANG GINABAYRAN SA MGA PAMILYANG NAGAKONSUMO OG 20 CUBIC METER KADA BULAN, P608.32 SA NAGAGAMIT OG 30 CUBIC METER SAMTANG P1,325.58 SA NAGAGAMIT OG 50 CUBIC METER.

• SA DAVAO CITY, DIIN ANG DAVAO CITY WATER DISTRICT ANG NAGA-OPERATE, MUKABAT RA SA P228.00 ANG BAYRAN SA PAMILYANG NAGKONSUMO OG 20 CUBIC METER. RELATIBONG MAS GAMAY SA PRIBADONG KOMPANYA.

         NOW, EVERY JUAN KNOWS!!!